وێبلاگی تایبەتی قادر عەلیخا

ئەشقی تۆیان لێ ون کردم

شاڵاوی مار و

بڵێسەی ئاگر،

مەمکی بەهارت پڕە

لە شیری شیرینی تازە و

سنگی

پاییزت،

سندوقێکە لە سێوی سوور و سپی،

لێوی تاوت تەژییەلەتیشکی بزەو

گۆنای مانگت پڕە لە تریفەی گۆرانی،

هەڕەشەم لێدەکەن،

بە نەهاتنی تریفە و

نەکەوتنی ڕووناکیت

دەمترسێنن بەقرچەقرچی

برژان و

لەشریخەشریخی شێلاقت،

ویستم خۆشم بوێی

فریا نەکەوتم،

هاتم لێت بترسم نەمتوانی.

                              7/12/89