وێبلاگی تایبەتی قادر عەلیخا

لە سەر ترۆپکی چیایەکی دوور

دەچم گوڵ دێنم چەپکێک گوڵی سوور

گوڵێک دیرابێ بە ئاوی بەفراو

دەستە مەلان بوبێ لەگەڵ تیشکی تاو

بوبێتە لانکەی ئامێزی شەماڵ

سەمای کردبێ لە ترۆپک و یاڵ

زمانی پڕ بێ لە تامی سڵاو

بەرۆکی تەڕبێ لە بۆنی گوڵاو

پەیامی جوانی و تازەیی بێنێ

لە سنگ و بەرۆی ئێوەی پڕژێنێ

دەگەڕێم دوور و پێدەشت و لاپاڵ

هەورازو نشیو خرو یاڵە و یاڵ

کۆشێک گەزیزە بە دیاری دێنم

لە نێو گوڵدانی دڵما دەیچێنم

هەرگیز ناهێڵم گەڵای بژاکێن

بە پەنجەی ڕۆحمی دەکەم باوەشێن

ڕیشەکەی دەدەم لە خوێنی دڵم

دەیکەم بە دیاری و دەیبەم بۆ گوڵم

دڵ و گەزیزە لەگەڵ گوڵی گەش

بۆ نەورۆزانە پێشکەشە پێشکەشەش

                                           نەو رۆزی 2713